विठू माऊली तू माऊली जगाची
माऊलीत मूर्ती विठ्ठलाची
विठ्ठला मायबापा
विठू माऊली तू माऊली जगाची
माऊलीत मूर्ती विठ्ठलाची
काय तुझी माया सांगू श्रीरंगा
संसाराची पंढरी तू दिली पांडुरंगा
डोळ्यातून वाहे माय चंद्रभागा
अमृताची गोडी आज आलिया अभंगा
विठ्ठलाss पांडुरंगा
अभंगाला जोड टाळ चिपळ्यांची
माऊलीत मूर्ती विठ्ठलाची
विठ्ठला मायबापा
विठू माऊली तू माऊली जगाची
माऊलीत मूर्ती विठ्ठलाची
लेकरांची सेवा केलीस तू आई
कस पांग फेडू कस होऊ उतराई
तुझ्या उपकारा जगी तोड न्हाई
ओवाळीन जीव माझा सावळे विठाई
विठ्ठला मायबापा
जन्मभरी पूजा तुझ्या पाउलांची
माऊलीत मूर्ती विठ्ठलाची
विठ्ठला मायबापा
विठू माऊली तू माऊली जगाची
माऊलीत मूर्ती विठ्ठलाची