दारासमोर अंगणा मध्ये
सुबक रांगोळी दिसावी
प्रत्येक घरात कमीत कमी
एक तरी मुलगी असावी
मुलगी म्हणजे घरासाठी
जीव की प्राण
तिला पाहून हरपून जातं
सारं देहभान
मुलगी घरात असली म्हणजे
घर कसं फुलून जातं
तिचं असणं घरासाठी
चंदनाचा लेप होतं
का बरं तिचेच नाव
चोवीस तास येते ओठी
त्याग, प्रेम, माया, काळजी
शब्द फक्त तिच्यासाठी
आज सुकल्या सारखे दिसता
बाबा काही दुखतंय का?
असा प्रश्न मुलगीच विचारते
काळजात काही टोचतंय का?
आई वडिलांचं मन वाचण्याची भाषा
कुठून शिकली ती?
सारं दुःख कुशीत घेऊन
इतरांसाठीच जगते ती
मुलगी करते चिवचिवाट
म्हणून घर फुलून येतं
असो अथवा नसो काही
मन कसं भरून जातं
आई बाबांच्या म्हातारपणी
मुलगीच त्यांची आई
घर कितीही मोठं आसो
मुली शिवाय श्रीमंती नाही
मुलीसाठी देवासमोर
हात जोडून बसलं पाहिजे
प्रत्येकाच्या अंगणामध्ये
तुळशीच रोप असलं पाहिजे
Kavi – Unknown