प्रथम तुला वंदितो कृपाळा
गजानना गणराया
विघ्नविनाशक, गुणीजन पालक
दुरित तिमिरहारका
सुखकारक तू दुःख विदारक
तूच तुझ्यासारखा
वक्रतुंड ब्रह्मांडनायका
विनायका प्रभुराया
प्रथम तुला वंदितो कृपाळा
गजानना गणराया
सिद्धीविनायक तूच अनंता
शिवात्मजा मंगला
सिंदूरवदना विद्याधिशा
गणाधीपा वत्सला
तूच ईश्वरा सहाय्य करावे
हा भवसिंधू तराया
प्रथम तुला वंदितो कृपाळा
गजानना गणराया
गजवदना तव रूप मनोहर
शुक्लांबर शिवसूता
चिंतामणी तू अष्टविनायक
सकलांची देवता
ऋद्धीसिद्धीच्या वरा दयाळा
देई कृपेची छाया
प्रथम तुला वंदितो कृपाळा
गजानना गणराया