माणुसकीच्या शत्रुऊसंगे युद्ध आमुचे सरू
जिंकू किंवा मरू। जिंकू किंवा मरू ।। धृ ।।
लढतिल सैनिक, लढू नागरिक
लढतिल महिला, लढतिल बालक
शर्थ लढ्याची करू। जिंकू किंवा मरू।
देश आमुचा शिवरायाचा
झाशीवाल्या रणराणीचा
शिर तळहाती धरू। जिंकू किंवा मरू।
शस्त्राघाता शस्त्रच उत्तर
भुई न देऊ एक तसूभर
मरू पुन्हा अवतरू। जिंकू किंवा मरू।
हानी होवो कितीही भयंकर
पिढ्या पिढ्या हे चालो संगर
अंती विजयी ठरू। जिंकू किंवा मरू|