Sopa Nasta Navra Bayko Hona

सोपं असतं एकमेकांचं आवडणं, निवडणं
पण एकमेकांच्या आवडी निवडी आवडणं सोपं नसतं

सोपं असतं एकमेकांसोबत सप्तपदी चालणं
पण तडजोडीच एक पाऊल उचलणं सोपं नसतं

सोपं असतं एकमेकांची सवय होणं
पण एकमेकांच्या सवयींची सवय होणं सोपं नसतं

सोपं असतं एकमेकांच्या चुका काढणं
पण स्वतःच्या चुका मान्य करणं सोपं नसतं

सोपं असतं एकमेकांना बदलायचा प्रयत्न करणं
पण एकमेकांना स्वीकारणं आहे तसंच सोपं नसतं

सोपं असतं एकमेकांचा विश्वासघात करणं
पण विश्वासाला पात्र ठरणं सोपं नसतं

सोपं असतं तारुण्यातलं दिसणं, चारचौघात मिरवणं
पण वार्धक्यातलं असणं, चार भिंतीतलं सांभाळणं सोपं नसतं
म्हणूनच सोपं नसतं नवरा बायको होणं

कवी : UNKNOWN


View All Marathi Kavita on Husband

Liked it? Share with your friends...

Leave a Reply

Your email address will not be published. Required fields are marked *